नमस्कार !
म सृष्टि एरी, घर । शब्दसँगको मेरो सम्बन्ध कुनै योजनाबद्ध सुरुवातबाट होइन, मनका तरङ्गहरूबाट विस्तारै जन्मिएको हो। भावना जब मौन रहन सक्दैनन्, तब शब्दहरू आफैँ कागजमा ओर्लिन्छन् भन्ने विश्वास बोकेर म साहित्यको यात्रामा पाइला चाल्दैछु।
म साहित्य संसारकी एक नवयात्री हुँ। अनुभूति, कल्पना र यथार्थका साना–ठूला रंगहरूलाई शब्दमा उतार्ने प्रयास गर्दै, म आफ्नै लेखनीको पहिचान खोजिरहेकी छु। कविता, लघुकथा तथा भावनात्मक अभिव्यक्तिहरू मार्फत जीवनका उज्याला र अँध्यारा दुवै पाटाहरूलाई समेट्ने मेरो प्रयास रहनेछ।
साहित्य मेरो लागि केवल लेखन मात्र होइन, आत्मा बोल्ने भाषा हो। यहाँका अनुभवी स्रष्टाहरूबाट सिक्दै, सुझाव र प्रेरणालाई मार्गदर्शन बनाउँदै, म निरन्तर अगाडि बढ्ने प्रतिबद्धता व्यक्त गर्दछु।
यहाँहरूको माया, साथ र स्नेहले मेरो लेखन यात्रालाई अझ परिपक्व र अर्थपूर्ण बनाउने विश्वास लिएको छु।
हार्दिक धन्यवाद।
_vtT5voz8mg.gif)